नँगरिया

विषय।   नँगरिया
         ---*---*----

गरजत घुमरत बदरा आगे
       मोर नगरिहा सुन न ग
खेत खार बोवई के आगे
      चल नागर ल धर न ग।
बांधलें खुमरी मुड़ म जोही
    किसानी बुता  चुन न ग।
गरजत घुमरत..........।

गाबो ददरिया बोता बोवत
    हासबो सब जहुरिया ग
मेड़ म तिली राहेर बोबों
  खाबो अंगाकर मुठिया न
जुरमिल सब झनह चढ़ाबों
  हरेली के चीला गुरहा ग।
गरजत घुमरत-..............।

झनकर आलस मोर मयारू
  संग संग तोर कमाहूं न
सुखदुख के जुगजोड़ी संगी
   गजब मया बरसाहू न
गिरथे झिमीर झिमीर पानी
   मोरो बात ल गुन न ग
गरजत घुमरत बादर आगे
   मोर नगरिहा सुन न ग।।
🙏🏽🙏🏽🌹🌹🙏🏽🙏🏽
स्वरचित
माधुरी डड़सेना
नगर पंचायत भखारा
जिला धमतरी छ .ग .